काठमाण्डौ – दुई तथा तीन पाङ्ग्रे सवारी साधन उत्पादक कम्पनी TVS Motor Company ले नेपालमा पहिलो पटक TVS Apache Racing Experience (ARE GP) को औपचारिक सुरुवात गरेको छ। यो कार्यक्रम TVS Apache सिरिजको २०औँ वर्षगाँठको अवसरमा आयोजना गरिएको हो, जसले नेपाली मोटरस्पोर्ट्स क्षेत्रमा नयाँ अध्याय थपेको छ।
कार्यक्रमको पहिलो छनोट चरण साटुंगलस्थित Vehicle Academy and Research Center मा सम्पन्न भएको थियो, जहाँ ६० जना राइडर र करिब २०० जना दर्शक सहभागी भएका थिए। सुरक्षित तथा पेशागत रूपमा डिजाइन गरिएको ट्र्याकमा प्रतिस्पर्धात्मक रेसिङ अनुभव प्रदान गरिएको थियो। सहभागी राइडरहरूलाई TVS Racing का अनुभवी च्याम्पियनहरूले प्रत्यक्ष प्रशिक्षण र मार्गदर्शन दिएका थिए।
नेपाल चरणमा १० वटा चुनौतीपूर्ण मोड समेटिएको ट्र्याकमा १६०cc र २००cc दुई वर्गमा प्रतिस्पर्धा भएको थियो। प्रदर्शन मूल्यांकन सबैभन्दा छिटो ल्याप टाइमका आधारमा गरिएको थियो। प्रत्येक वर्गका शीर्ष तीन विजेताले NPR २५,००० नगद पुरस्कारसहित विशेष TVS Motor Riding Gear प्राप्त गरे। साथै, विजेताहरूले भारतको चेन्नईस्थित Madras International Circuit (MIC) मा अप्रिल २०२६ मा हुने ग्रान्ड फिनालेमा सहभागी हुने अवसर पाउनेछन्।
२००७ मा सुरु गरिएको TVS Racing ARE GP Championship ले Apache राइडरहरूलाई प्रशिक्षण, प्रतिस्पर्धा र मोटरस्पोर्ट्स संस्कृतिलाई एकै प्लेटफर्ममा ल्याउँदै आएको छ। सन् २०२५ मा यो च्याम्पियनसिप भारतका १७ सहरसँगै नेपाल, मेक्सिको र कोलम्बियासम्म विस्तार भएको थियो, जसमा विश्वभरका १,००० भन्दा बढी Apache राइडर सहभागी भएका थिए।
यस अवसरमा TVS Motor Company का Head – Premium Business, विमल सुम्ब्लीले भने, “TVS Apache को २० वर्षको यात्रासँगै ARE GP को अन्तर्राष्ट्रिय विस्तार हाम्रो सीमाहरूलाई चुनौती दिने निरन्तर प्रयासको हिस्सा हो। नेपालको बढ्दो प्रदर्शन–उत्साही समुदायले यसलाई आदर्श गन्तव्य बनाएको छ।”
त्यसैगरी, Senior Vice President, R&D, आर. बाबुले नेपालमा विश्वस्तरीय मोटरस्पोर्ट्स अनुभव प्रदान गर्ने लक्ष्यसहित TVS Racing को उपस्थितिलाई थप सुदृढ बनाइरहेको बताए।
कार्यक्रममा Jagdamba Motors का Managing Director, शाहिल अग्रवालले मोटरस्पोर्ट्सले युवा पुस्तालाई प्रेरित गर्ने र स्थानीय प्रतिभालाई अन्तर्राष्ट्रिय मञ्चमा पुर्याउने महत्वपूर्ण माध्यम भएको उल्लेख गरे।
दिनभर सञ्चालन भएको कार्यक्रम व्हिली र्याम्प, स्टन्ट शो, जिमखाना सेसन लगायतका गतिविधिहरूले भरिएको थियो। साँझको मनोरञ्जनात्मक कार्यक्रममा DJ Sujan, DJ Kiran र DJ Sabinले प्रस्तुति दिए, जसले सहभागी र दर्शकलाई पूर्ण मोटरस्पोर्ट्स महोत्सवको अनुभव दिलायो।
