झापा । चालु आर्थिक वर्ष २०८१/८२ को पहिलो चौमासिक (साउन–कात्तिक) मा पूर्वी नाका काँकडभिट्टाबाट कुल रु. १ अर्ब ३७ करोड ३० लाख ७७ हजार मूल्य बराबरको चिया निर्यात भएको छ ।
मेची भन्सार कार्यालयका सूचना अधिकारी ईश्वरकुमार हुमागाईंका अनुसार यो अवधिमा ४६ लाख ८८ हजार ९३२ किलोग्राम चिया मुख्य रूपमा भारततर्फ निर्यात भएको हो ।
गत आर्थिक वर्षको सोही अवधिको तुलनामा चालु वर्षको चिया निर्यात मूल्यमा ३७ प्रतिशतले कमी आएको छ । गत वर्ष सोही अवधिमा रु. २ अर्ब २० करोड ४८ लाख ४० हजार बराबरको चिया निर्यात भएको थियो, अर्थात् यो वर्ष रु. ८३ करोड १७ लाख ६२ हजारले कम हो ।
