काठमाण्डौ । एशियन लाइफ इन्स्योरेन्स कम्पनीको लिलामीमा राखिएको अवितरित हकप्रद सेयर बाँडफाँड भएको छ । कम्पनीले गत भदौ २२ गतेदेखि असोज ५ गतेसम्म लिलामीमार्फत बिक्रीमा राखेको ३ लाख ५८ हजार ५१२.४८ कित्ता कित्ता सेयर असोज २० गते बाँडफाँड भएको हो ।
निष्कासनकर्ता कम्पनी मुक्तिनाथ क्यापिटलले बिक्री खुला गरिएको अवधिभित्र प्राप्त भएको गोप्य शिलबन्दीपत्रहरुको प्रशोधन गरी बाँडफाँड गरेको जनाएको छ । संस्थापक समूहको(लकइनमा रहेको)कटअफ मूल्य १०५.५० र सर्वसाधारण समूहको कटअफ मूल्य ४२२.५० रुपैयाँ रहेको छ । उक्त अन्तिम मूल्यमा बोलपत्र पेश गर्नेहरुलाई सापेक्षिक भारअनुसार समानुपातिक रुपमा बाँडफाँड गरिएको क्यापिटलले जनाएको छ ।
आवेदकहरुको बाँडफाँडमा नपरेको सेयरबापतको रकम फिर्ता भुक्तानी असोज २२ गतेबाट हुनेछ ।
