मंगलवार, मंसिर १८ २०८१  
काठमाडौं । तुलसी आयुर्वेद प्रा लि ले उत्पादन गरेको तुलसी मालिस तेल बजारमा आएको छ । कम्पनिका सिईओ शिव बसौंला ले मंगलबार एक कार्यक्रमकाबिच तुलसी मालीस तेलको साथमा पत्र पोटली, स्वदेन र रोलर सार्वजनिक गरेका हुन् । १६ जडिबुटिको मिश्रण रहेको तेलको प्रयोगले बाथरोग, हाडजोर्निको दुखाई कम गर्ने लिगामेन्ट खिएको समस्या निवारण  गर्ने जनाइएको छ ।

साथै शरिर पोल्ने  र झमझमाउने समस्या भएकाहरुले समेत यो तेलबाट लाभ लिन सक्ने सिइओ बर्तौलाले बताए । यस्तै युरिक एसिडको समस्या र सबैखाले शरिरको दुखाईमा यो तेलले मालिस गर्दा राहत पुग्ने उत्पादकको दाबी छ । शरिरको प्रभावित भागमा यो तेलले मालिस गर्न उत्पादकले सुझाएका छन् ।

तुलसी मालीस तेल, तुलसी मालीस रोलर र तुलसी पत्र पोटलीको कम्बो बजारमा ल्याएको उत्पादक तुलसी आयुर्वेद प्रा लिले जनाएको छ । यसमा आयुर्वेदीक जडीबुटी जाइफल, ज्वानो, तुलसीको तेल, चमसुर, ल्वाङसिमलीको तेल, सेता ज्वानो, पाति लगायतको समिश्रण रहेकाले  बिना साइड इफेक्ट दुखाइबाट राहत मिल्ने जनाइएको छ । विश्वबजारमा नेपाली आयुर्वेदिक उत्पादनको माग बढ्दो छ ।  तुलसी मालीस तेलले पनि अन्तराष्ट्रिय बजार बिस्तार गर्ने जनाएको छ ।